Xarakada Al shabab oo isaga baxay Deegaanka Ceelasha Biyaha

Submitted by SONNA on Wed, 05/23/2012 - 12:10

Muqdisho-hobyonet)-xarakada Al shabab ayaa isaga baxay Saacadihii ugu danbeeyay ee Maanta Deegaanka Ceelasha Biyaha ee Duleedka Muqdisho kadib markii Ciidamada dowladda KMG iyo kuwa AMSIOM oo wata Dabaabadaha Dagaalka ay u ruqaansadeen Deegaankaasi iyo Deegaanno kale oo ku yaalla Gobolka Sh/Hoose.
Gawaari badan oo kuwa dagaalka ah islamarkaan ay la socdaan ciidamo katirsan Al shabab ayaa lagu soo waramayaa inay u jahaysteen dhinaca Degmadda Afgooye ee Gobolka Shabeelaha Hoose halkaasi oo ay isagu geynayaan Awoodooda Ciidan.
Al shabab ayaa looga qabsaday fariismiyaal dhowra  dagaalkii Shalay ka dhacay inta u dhaxaysa Muqdisho iyo Afgoyye,iyagoona maanta faarujiyay deegaano dhowra oo kamida meelaha loo barakacay ee gobolka sh/hoose
Deegaanadda ay la wareegeen Ciidamada dowladda KMG iyo AMISIOM ayaa waxaa kamid ah Kaxda, Ceelasha Biyaha, Siinka Dheer Carbiska iyo Sabyo(Beerta Cali Mahdi) oo 10 Km u jirta Degmadda Afgooye ee Gobolka Shabeleeha Hoose.
Dhinaca kale waxaa hawada ka maqan Maanta Idaacadda Al-Andulus oo ku hadli jirtay Afka xarakada Al shabab ,taasi oo ku taallay Deegaanka Ceeslaha Biyaha ee duleedka Muqdisho.
Wixii war ah ee kusoo kordha Wararka dagaaaladda kala soco www.hobyonet.com